Pas paralajmërimit të bërë nga ambasadorja amerikane Yuri Kim për ndërhyrje në Reformën në Drejtësi, ka reaguar menjëherë përfaqësuesi i BE-së, Luigi Soreca.
Me anë të një postimi në rrjetin social Soreca shkruan se zbatimi i Reformës në Drejtësi duhet të vijojë dhe se nuk është koha që të hidhen dyshime lidhur mbi bazat e tij por duhet fokus për rritjen e efikasitetit të saj.
Postimi i plotë
“Zbatimi i Reformës në Drejtësi vazhdon dhe duhet të ruhet. Kjo nuk është koha për të rihapur diskutimin mbi bazat e tij, por për të rritur efikasitetin e tij dhe forcimin e burimeve që disponon. Për të dhënë drejtësinë e pavarur që qytetarët shqiptarë meritojnë dhe për të çuar përpara Shqipërinë në rrugën e saj në Bashkimin Evropian,”-shkruan Soreca.
Duket sikur reagimi i përfaqësuesit te BE ka ardhur fill pas propozimit të Presidentit Ilir Meta ndaj qeverisë dhe opozitës që të ndërtojnë një ‘Këshill Politik’ me konsensus për të ‘futur duart’ te ligjet e Drejtësisë.
b.gj/fjala.al
