Pronarët e lokaleve dhe bizneseve në Berat janë ngritur në protestë ditën e sotme, pasi kundërshtojnë vendimin e qeverisë për mbylljen e aktiviteteve. Policia ka mbyllur me forcë të gjitha lokalet që kanë qenë të hapura.
“Jemi gati që nëse na sillni një shkrese e mbyllim. Të gjitha bizneset janë të hapura nuk marrim për bazë njoftimin e fb që shkruan Kryeministri . Po falimentojmë nëse vazhdojmë kështu. Po paguajmë qeranë, punëtoret taksat etj dhe nuk mund t’ja dalim dot me pesë ditë pune. Berati është zone e gjelbërt dhe duhet te jete e hapur çdo dite e natë , nuk jemi zone e kuqe që t’i mbyllim bizneset. Sipas pronareve të bizneseve kërkojnë heqjen e fashës se orarit për fundjavën”, shprehen biznesmenët.
