Edi Rama, kreu i qeverisë shqiptare mori pjesë në Samitin e shtatë të Komunitetit Politik Evropian në Kopenhagen të Danimarkës.
Ndërkohë që në një video që po qarkullon në rrjet ai është kapur në një moment teksa bën ironi me një lapsus që bëri Presidenti i SHBA, Donald Trump gjatë një fjalimi të tij kur tha “ndikova që të ndaloja luftën mes Shqipërisë dhe Azerbajxhanit në vend që të thoshte Armeni – Azerbajxhan”.
Ai i afrohet Presidentit Francez Emanuel Macron, ndërkohë që prezent ishte edhe përfaqësuesi i Azerbajxhanit dhe i thotë duke ironizuar e duke qeshur se: “Nuk na urove që arriti paqen Shqipëri – Azerbajxhan”.
“Ti duhet të kërkosh falje këtu, ne të dyve këtu sepse nuk na urove për marrëveshjen e paqes që Presidenti Trump bëri ndërmjet Shqipërisë dhe Azerbajxhanit”, i thotë Rama, Macronit i cili mbetet i shtangur me batutat pa lidhje te kreut të qeverisë shqiptare.
“Ai punoi fort”, thotë Rama duke bërë ironi./e.t
