Ngërçi kushtetues, institucionet padi kundër njëra-tjetrës

113 563 lexime

124,178FansaPëlqeje

Vijon përplasja institucionale. Tashmë beteja nuk është më vetëm mediatike apo televizive. Palët kanë vendosur t`i drejtohen gjykatës. Për pasojë institucioni i Avokatit të Popullit ka hapur një beteje ligjore me Këshillin e Emërimeve në drejtësi.

Në fakt lajmërimi ka ndodhur prej disa ditësh. Por vetëm ditën e fundit të 2019-s është mundësuar konkretizimi.

Por çfarë ka ndodhur konkretisht mes palëve?

Avokati i Popullit ka paditur Këshillin e Emërimeve në Drejtësi në lidhje me procedurat e ndjekura për listat e vakancave për në Gjykatën Kushtetuese, çështje kjo që solli shumë përplasje politike, kryesisht të Presidentit, Ilir Meta me kreun e KED, Ardian Dvorani.

Padia është regjistruar në Gjykatën Administrative të Apelit më 31 dhjetor të vitit që lamë pas. Institucioni i Avokatit të Popullit e kishte paralajmëruar që me datë 19 dhjetor një padi të tillë. Me anë të një reagimi publikoi një raport të gjatë rreth KED.

Institucioni i Avokatit të Popullit që është edhe një nga organet kryesore që mbikëqyr veprimtarinë e Këshillit të Emërimeve në Drejtës theksoi se padia është bërë për ‘procedurën e verifikimit të kandidatëve për pozicionet vakante në Gjykatën Kushtetuese dhe të Inspektorit të Lartë të Drejtësisë’!

Po ashtu edhe për ‘kriteret dhe procedurën e vlerësimit, pikëzimit dhe renditjes së kandidatëve për pozicionet vakante në Gjykatën Kushtetuese dhe të Inspektorit të Lartë të Drejtësisë’.

Gjykata Administrative e Apelit njofton se e ka regjistruar çështjen dhe shorti për shqyrtimin e saj ka përzgjedhur gjyqtaren Enkelejda Softa (Metaliaj).

Ndërkohë në raportin e publikuar më parë nga AP ndaj KED, theksohej se: Gjatë hartimit të rregulloreve të funksionimit të KED u konstatua një përpjekje për të kufizuar kompetencat ligjore të institucionit të Avokatit të Popullit. Këto kompetenca lidheshin edhe me pjesëmarrjen në mbledhje, duke “parashikuar një kufizim të mëtejshëm të transparencës së Këshillit”.

Lexo edhe :  GJKKO e la në qeli/ Ilir Meta njofton konferencë për mediat nga burgu

AP ashtu si Presidenti ka zgjedhur të hedhë akuza ndaj kreut të KED duke thënë se është vërejtur mungesë transparence në ngritjen e KED.

Ngritja e Gjykatës Kushtetuese ka sjellë një përplasje mes presidentit dhe mazhorancës, por edhe mes Presidentit dhe kreut të KED, Ardian Dvorani. /Fjala.al/

Të fundit

A po rritet realisht ekonomia shqiptare? Shifrat tregojnë disa “po” dhe disa “jo”

Ekonomia shqiptare u rrit me 3.4% në fillim të vitit, por jo mjaftueshëm. Rritja mbështetet tek administrata, ndërtimi e...

Miratohet plani, një fushë futbolli në muzeun “Martin Cani”

Në mbledhjen e fundit, Komiteti Ekzekutiv i FSHF-së miratoi ndërtimin e një fushe me bar artificial pranë muzeut “Martin Cani”. Pas kërkesës së familjes Cani...

Kapet teksa tentonte të vidhte në një banesë, arrestohet 35-vjeçari

Një 35-vjeçar është arrestuar nga Policia e Durrësit pasi u kap në flagrancë teksa tentonte të kryente një vjedhje në një banesë në lagjen...

“Ore ç’punë keni me ata që mbjellin shalqi e pjepër?!”

Deputeti socialist Erion Braçe ka kritikuar strukturat e Policisë së Shtetit, duke denoncuar thirrjen, të cilën ai e quan të paligjshme, në Komisariat të...

“Në tre mandate na lëruat nënën, tani do ktheheni nga baba”

Deputeti lushnjar Saimir Korreshi, ka mbajtur një fjalim sa ironik aq edhe denoncues për situatën në qytetin e tij, kur ka deklaruar se mbeturinat...

Lajme të tjera

Web TV