Florian Binaj një ndër aktorët më të dashur për publikun shqiptar e që do të mbahet mend gjatë për një imitim perfekt të Kryeministrit Edi Rama, ka reaguar ashpër ndaj këtij të fundit.
Binaj shprehet se ai nuk i bindet urdhrave të karantinës të vendosura nga Rama pasi i shkel të drejtat dhe i mohon liritë.
Postimi i tij erdhi menjëherë pas planit që numri një i qeverisë dha, që nga tetori deri në mars të mos lejojë të dielave makinat për të qarkulluar.
Pas kësaj aktori thotë se ai mund të jetë çfarë të dojë, por ai dhe qytetarët nuk janë dele.
Postimi i plotë
“Unë nuk pranoj t’i bindem urdhrave të një njeriu që më shkel të drejtat e mia duke më mohuar lirinë time në emër të surrealizmit të tij. Ti mund të jesh çfarë të duash por unë dhe qytetarët e këtij vendi nuk jemi dele”, ka shkruar aktori i njohur.
b.gj/fjala.al
