Një djalë 12-vjeçar u vra dhe u përdhunua nga një pedofil pasi e joshi me ëmbëlsira drejt një ndërtese të braktisur në Ukrainë.
Djaloshi po kthehej në shtëpi pasi kishte përfunduar stërvitjen e futbollit, kur burri iu afrua dhe filloi një bisedë me të. Kamerat e sigurisë së një dyqani tregojnë momentin kur burri i blen djalit ëmbëlsira dhe një foto tjetër tregon përsëri ata duke ecur bashkë, shkruan Daily Mail.
Pasi dolën nga dyqani, burri e ftoi djalin për një shëtitje në parkun ku ndodhej dhe një ndërtesë e braktisur. Besohet se në momentin kur kanë hyrë në ndërtesë burri e ka dhunuar djalin dhe pasi e vrau atë kreu marrëdhënie seksuale me trupin e të miturit, thanë hetuesit.
Familjarët e fëmijës raportuan menjëherë zhdukjen e tij në polici dhe pasi autoritetet gjurmuan telefonin e tij filluan të kërkonin në territorin e parkut.
Zëdhënësi i policisë tha për mediat: “Kur policia hyri në ndërtesën e braktisur, gjetën burrin e shtrirë në dyshek me një grumbull rrobash. Menjëherë ai ngriti pantallonat e tij dhe po sillej me nervozizëm. Pasi policia lëvizi rrobat, gjeti trupin e djalit.”
Burri, një i pastrehë, 59-vjeç, u arrestua pasi rrëfeu të gjithë aktin makabër. Ai do të përballet me burgim të përjetshëm nëse shpallet fajtor./Fjala.al/R.G
