Rijaseti i Bashkësisë Fetare Islame në Maqedoninë e Veriut ka shkarkuar nga posti i kryetarit të BFI-së, Sulejman Rexhepi.
Ky vendim është marrë pasi ky i fundit, së fundmi ka qendër të mediave dhe opinionit pas një sërë skandalesh.
“Ne të nënshkruarit më poshtë në bazë të Nenit 36 dhe 58 të Kushtetutës së BFI-së, që e përbëjnë më shumë se 2/3 e anëtarëve të Rijasetit të BFI-së, vendosëm njëzëri shkarkimin e Sulejman Rexhepit nga posti Reisul Ulemasë, kryetar i BFI-së. Deri në përgatitjen e kushteve për zgjedhje të reja për ushtrues detyre, kryetar i BFI-së është caktuar myftiu i Gostivarit Shaqir Fetahu” – u shpreh myftiu i Gostivarit, Shaqir Fetahu.
Sulejman Rexhepi ka mbi 15 vite që qëndron në krye të BFI-së ndërsa disa herë ka pasur tentime të pasukseshme për ta larguar atë nga karrigia e udhëheqësit të këtij institucioni.
Kohëve të fundit ai u bë temë aktive e mediave për shkak të martesës me një vajzë 50 vjet më të re se ai dhe kjo ishte martesa e dytë e tij. Ai i bleu një orë që vlente 37 mijë euro bashkëshortes së tij të re. Mediat vendase raportuan se më 9 maj Rexhepi tërhoqi 1 milion euro para kesh nga Bashkësia Islame e Maqedonisë, pa ndonjë arsyetim për shkakun e veprimit të tij.
Ndërsa para 2 javësh u publikua një video ku shihej se si udhëheqësit e medreses së Shkupit dhe disa familjarë të Sulejman Rexhepit shanin heroin tonë kombëtarë, Adem Jasharin./E.B./Fjala.al
