Është shtyrë sërish gjyqi për ish-ministrin e Brendshëm, Saimir Tahirin, në Gjykatën e Apelit. Shkak për shtyrjen e seancës së sotme është bërë mos njoftimi në mënyrën e duhur të ish-ministrit.
Seanca e radhës pritet të zhvillohet më 11 qershor, ku do të jetë i pranishëm edhe vetë Tahiri.
Kjo është hera e dytë që Apeli shtynë seancën për Tahirin, ku herën e parë, shkak u bë situata e krijuar nga COVID-19.
Ish-ministri Tahiri u shpall fajtor nga Gjykata e Krimeve të Rënda për akuzën e “Shpërdorimit të detyrës”, ndërsa u dënua me 3 vite shërbim prove.
Prokuroria e akuzonte Tahirin se në kohën kur ishte ministër i brendshëm bashkë me ish- drejtorin e Policisë Vlorë, Jaeld Çela kanë bashkëpunuar me Moisi Habilajn apo vëllezërit e tij që bashkë korrespondojnë të jenë kushërinj.
Avokatët e tij e apeluan dhe çështja po shqyrtohet nga Gjykata e Posaçme të Apelit./b.b/fjala.al
