Një ngjarje e rëndë është regjistruar në Luz të Fushë-Krujës ku një i mitur ka goditur me thikë vëllanë. Burime zyrtare nga policia bënë me dije se bëhet fjalë për 16-vjeçarin me inicialet O.O.
Pak pas krimit, specialistët për hetimin e krimeve në Komisariatin e Policisë Krujë, arrestuan në flagrancë të miturin. Ai akuzohet se pas një konflikti të çastit për motive të dobëta, ka goditur më mjet prerës (thikë) vëllanë e tij shtetasin A.O.,22 vjeç.
Në cilësinë e provës materiale u sekuestrua mjeti prerës. ndërkohë, nuk dihen detaje nga sherri mes dy vëllezërit.
Aktualisht policia po heton për ngjarjen në fjalë. Sipas të dhënave të policisë mësohet se gjendja shëndetësore e të plagosurit është e rëndë po jashtë rrezikut për jetën. Ata kanë qenë vetëm në shtëpi gjatë sherrit.
Janë pyetur familjarët dhe vetë autori. Ky i fundit ka pretenduar se vëllai më i madh në moshë e kishte rrahur. Për fat djali që ka marrë plagët e thikës ka mundur të largohet nga shtëpia e për pasojë edhe të shpëtojë nga agresioni i të vëllait. /Fjala.al/
