Një konflikt i ashpër ka ndodhur në zonën e Kënetës në Durrës. Ngjarja ka ndodhur mbrëmjen e sotme, ndërkohë që në konflikt raportohet se janë përfshirë tre persona.
Në konflikt e sipër, janë përdorur edhe armë të ftohta, çka ka sjellë plagosjen e një prej tyre. I plagosuri është transportuar menjëherë për në spitalin e Durrësit, ku do të vihet nën kujdesin e mjekëve, ndërkohë policia ka mbërritur në vendin e ngjarjes.
Shtetasit me iniciale A.C., 46 vjeç, dhe T.C., 43 vjeç janë ndaluar si autorë të ngjarjes, ndërsa F.L., 35 vjeç, ndodhet në spital.
