Pasditja e së dielës është përfshirë nga një mot me stuhi dhe erë të fortë dhe kjo është reflektuar në pothuaj gjithë territorin e Shqipërisë.
Tirana, po ashtu është përfshirë nga një mot i ftohtë dhe me erë të fortë.
Si pasojë, në qendër të kryeqytetit është rrëzuar edhe pema e Krishtlindjes.
Për fat të mirë nuk raportohet për persona të lënduar.
Era po ashtu ka shkatërruar edhe çadrat e disa lokaleve të improvizuara në qendër të kryeqytetit me rastin e festave të fundvitit.
Ndërkohë, menjëherë kanë shkuar shërbimet e mirëmbajtjes të bashkisë për të bërë pastrimin e zonës.
