Detaje të reja janë zbardhur nga ngjarja e ndodhur mbrëmjen e të shtunës, 30 maj rreth orës 23:00 pranë një hoteli në autostradën Mamurras-Lezhë, në fshatin Gjormë, ku si pasojë një person ka mbetur i plagosur dhe dy të tjerë humbën jetën.
Kur kanë kaluar pak ditë nga ngjarja, 21-vjeçari Kreshnik Tusha në dëshminë paraprake dhënë përpara grupit hetimor që po punon për zbardhjen e atentatit me 2 viktima, siguruar nga “Fjala” ka mohuar se është i përfshirë n’ ngjarje. Ai ka deklaruar se është plagosur në derën e shtëpisë së tij.
“Nuk kam asnjë lidhje me ngjarjen e së shtunës. Unë jam qëlluar në derën e shtëpisë sime, në momentin që po hyja në shtëpi. Në spital jam transportuar nga familjarët e mi. Nuk i njoh viktimat dhe skam asnjë lidhje me to”, ka thënë 21-vjeçari në dëshminë e parë dhënë përpara hetuesve.
Ai do të merret sërish në pyetje në një moment tjetër kur gjendja e tij shëndetësore të përmirësohet. Gjithashtu, grupi hetimor po kryen hetime dhe po verifikon nëse është plagosur apo jo nga arma e 37-vjeçarit Bujar Lika.
Ekspertët mjeko-ligjorë kanë marrë dhe tamponët e gjakut në vendin e ngjarjes dhe përgjigjet e së cilës do të tregojnë nëse Tusha ka dëshmuar të vërtetën apo plagosjen e ka përdorur si alibi për ti shpëtuar akuzave si një nga atentatorët. Nëse ekspertiza mjeko-ligjore do vërtetoj se ai është plagosur në hotelin ku ndodhi krimi, atëherë pritet ti komunikohet masa e arrestit.
Sipas informacioneve paraprake ka dyshime se i plagosuri Kastriot Tushi është njëri nga atentatorët. Burime nga grupi hetimor bëjnë me dije se 21-vjeçari Tushe është qëlluar nga Paulin Gjergji, në momentin kur autorët kanë qëlluar në drejtim të Bujar Likës. Tushe u gjet i plagosur në dalje të hotelit ku ndodhi krimi i dyfishtë./b.b/fjala.al
