Në rikthimin e bujshëm pas emergjencës nga pandemia, Tirana rikonfirmoi se është e vetmja që mund t’ia heqë nga duart titullin vetes, pasi kryeson bindshëm dhe vendos një tjetër “tullë” në murin e kampionatit shqiptar të futbollit. Bardheblutë fituan 3-1 në Ballsh kundër Bylis, e tani janë aty ku e kishin lënë, të parët, por kanë më shumë luksin e 56 pikëve, edhe pse sërish 9 pikë më shumë se ndjekësit.
Cobbinah, Idriz Batha dhe kapiteni Gentian Muça ishin autorët e golave të një ndeshjeje që u kthye në “Estradë” të Ballshit për faktin se u luajt “ping pong” mes drejtuesve shëndetësorë lokalë dhe FSHF, për zhvillimin apo jo të ndeshjes, për përplasjen mbi rregullat e karantinës nag Covid-19. E kur gjithçka rifilloi, kryeqytetasit morën epërsinë e nuk e lëshuan asnjëherë.
Kukësi fitoi 2-1 me Luftëtarin por deri në kohën shtesë ishte 1-1 dhe ky rezultat më surprizues i rinisjes së Superligës shqiptare i bënte verilindorët të rrezikonin edhe kupat europiane. Në fund Kukësi u imponua 2-1. Në ndeshjet e tjera Flamurtari-Vllaznia 1-3, dhe Laçi-Teuta 1-1. Kjo është renditja…
- Tirana 56
- Kukësi 47
- Laçi 42
- Teuta 41
- Skënderbeu 41
- Vllaznia 38
- Partizani 38
- Bylis 36
- Luftëtari 15
- Flamurtari 11
