Wayne Rooney është rikthyer në stërvitje për tu përgatitur për derbin, por ajo çka ra në sy në shfaqjen në stërvitje ishin flokët e tij, ndjeshëm të rrallë e të thinjur. Kjo, pavarësisht ndërhyrjeve dhe mbjelljeve të vazhdueshme ndër vite, që i kanë kushtuar mijëra paund.
Me një ‘look’ të ri referuar mjekrës dhe me flokë të rënë, duket se periudha e izolimit nuk ka qenë edhe aq pozitive për ish futbollistin Manchester United dhe Anglisë.
Siç “The Sun” raporton, 34 vjeçari ka shpenzuar herën e fundit 30 mijë paund për mbjelljen e flokëve. Gjithashtu Rooney thuhet se përdor një sprajt me ngjyrë gjatë ndeshjeve, për të mbuluar thinjat.
Rooney i mbolli flokët për herë të parë në Londër në vitin 2011. Të njëjtën procedurë ai e ka përsëritur vazhdimisht një herë në 2 vjet. Përveç flokëve, fansat kanë kritikuar gjerësisht edhe mjekrën e gjatë të futbollistit./thesun/fjala.al
