Dy skuadrat që me gjasë do të diskutojnë në sprintin final edhe trofeun e kampionit në futbollin italian, kanë pësuar një goditje këtë fundjavë me dëmtimet e dy nga lojtarët kryesorë. Gonzalo Higuain për Juventus, dhe serbi Milinkovic Savic kanë kërkuar ndihmën e infermierisë, dhe duket se do humbin startin e rinisjes së Serie A.
Higuain nisi përgatitjet me Juven pak ditë më parë por u dëmtua në seancën e fundit. Klubi i Juventusit ka njoftuar se dëmtimi nuk është i rëndë dhe se në ditët në vijim pritet të verifikohet sërish situata, për të përcaktuar afatet e rikthimit në fushën e lojës të Gonzalo Higuain. Sulmuesi argjentinas po futet në vitin e fundit të kontratës me Juventusin dhe mund të lërë Torinon këtë verë. Ai me të gjitha gjasat nuk do luajë në Kupë. “Countdown” i Juventusit drejt kthimit në fushë në gjysmëfinalen e Kupës së Italisë kundër Milanit tani ka filluar.
në kampin e pretendentit tjetër, Sergej Milinkoviç Saviç u ndal nga nëj ndërhyrje e ashpër e portierit shqiptar Marco Alia dhe analizat do konfirmojnë sa do mungojë. Rreziku për të krijuar një formacion pa ballkanasin në rikthimin e Lazios në fushë në ndeshjen kundër Atalantës më 24 qershor bëhet gjithnjë e më shumë i pashmangshëm. Për Milinkovic projektohet një ndalesë prej rreth dy javësh.
