Profesori i historisë Romeo Gurakuqi ka publikuar një foto të rrallë të zbuluar nga arkivat. Në foto dallohen deputetët e Shkodrës dhe Kosovës.
Në shënimin e profesor Gurakuqit shënohet: “Ne këmbë, nga e majta në të djathtë: Luigj Gurakuqi, Mustafa Kruja, Riza Dani, Shuk Gurakuqi, Kolë Thaçi. Ulur: Halit Rroji, Ndre Mjeda, Patuk Saraçi, Rexhep Mitrovica dhe Maliq Bushati.
Dallohet qartë që të gjithë përfaqësojnë elitën shqiptare në një vend ku padija dhe padituria ishte në masë, por ama elita ishte e shkolluar dhe e përzgjedhur.
Jemi 99 vjet më parë por të gjithë janë veshur me kostume serioze pa asnjë dallim me homologët në Perëndim.
Veçohet vetëm Rexhep Mitrovica, deputeti i Kosovës nga qyteti i Mitrovicës i veshur me kostum popullor. Mësuesi që u bë politikan, ministër dhe madje edhe kryeministri i Shqipërisë.
Në krah të tij është Maliq Bushati, edhe ky u bë kryeministër, por që u pushkatua nga Enver Hoxha./b.b/fjala.al
