Të shumtë kanë qenë personazhet e njohur, që kanë reaguar dhe dhënë mesazhe të ndryshme pas lajmit të bërë publik të 15 vjeçares së abuzuar seksualisht nga roja i shkollës.
Mes shumë emrave të njohur një mesazh për dhunën ndaj grave në vendin tonë e ka dhënë edhe ish- kryetarja e Parlamentit Jozefina Topalli. Ajo ka preferuar që ta përcjell këtë mesazh duke përdorur fjalët e aktores së njohur Angelina Jolie.
“Për sa kohë që ne vazhdojmë të vendosim çështjet e tjera përpara të drejtave të grave dhe pjesëmarrjes, ne do të ngecim në një rreth dhune në konflikt.
Nuk do të kemi mësuar asgjë dhe institucionet tona do të bëjnë më pak sesa duhet”, thuhet në shprehjen e publikuar nga Topalli.
Kujtojmë se pasditen e djeshme shumë vajza, gra e djem, nëna me fëmijë kanë protestuar lidhur me këtë temë në rrugët e kryeqytetit, e cila mund të cilësohet edhe si nga protesta më interesante./B.L/Fjala.al
