Operacioni Forca e Ligjit ka vijuar edhe sot punën duke i dërguar formularin e deklarimit të pasurive katër personave në Kavajë e Tiranë.
Njoftimi i plotë
Pesë persona në Tiranë dhe Kavajë, me rekorde të theksuara kriminale do të duhet të deklarojnë pasurinë.
Për shkak të dyshimeve mbi krijimin e saj, Operacioni Forca e Ligjit iu ka dërguar formularin për deklarimin e pasurisë Arsen Hysenaj, Klajdi Qirjos, Elvis Muçës, Sejbi Kazazit dhe Daniel Metës.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë:
– Arsen Hysenaj, banues në Tiranë, i dënuar për veprën penale “Vjedhja me dhunë”;
– Klajdi Qirjo, banues në Tiranë, i dënuar për veprën penale “Vjedhja me dhunë”;
– Elvis Muça, banues në Tiranë, i dënuar për veprën penale “Vjedhja me dhunë”;
– Sejbi Kazazi, banues në Kavajë, i dënuar për veprën penale “Prodhimi dhe shitja e lëndëve narkotike”;
– Daniel Meta, banues në Tiranë, i dënuar për veprën penale “Vjedhja me dhunë”, e kryer në bashkëpunim;
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special./Fjala.al/k.l
