Shpesh mediat italiane e thërrasin “Bunga Bunga”, një pseudonim i fituar për festa erotike të çmendura që organizonte në ishujt italianë, por më së shumti Silvio Berlusconi mbahet mend për politikë dhe futboll. në këtë të fundit, ai premton rikthimin e fuqishëm si në kohërat e arta te milan, këtë herë në drejtimin e Monza që është ngjitur në serinë B falë nëj vendimi për të ndalur kampionatin e Ligës C.
“Monza ime në B? Asnjëherë nuk kisha dyshime. E filloi në epërsi dhe mbeti gjithmonë atje lart, duke rritur gradualisht avantazhin deri në 16 pikë në ditën e 27-të kur duhej të ndalonim” thotë Silvio Berlusconi që feston promovimin dhe shikon mëtej në objektivat e ekipit.
” Ne do të krijojmë një ekip që të synojë majën e Serie B. Promovimi varet nga shumë faktorë, disa prej të cilëve janë të paparashikueshëm. Ata që janë të parashikueshëm, ne do të bëjmë çmos t’i shfrytëzojmë në avantazhin tonë” tha pronari i rrjetit Mediaset.
Berlusconi flet edhe për marrëdhëniet e tij me skuadrën. “Të biesh në dashuri me një ekip që ti mendon se është i yti dhe mund të jetë totalisht stili yt, është e bukur. Me djemtë dhe trajnerin bëj atë që kam bërë gjithmonë te Milan. Unë i ndjej ata, i rekomandoj ata, i stimuloj ata, i përgëzoj për sjelljen e tyre në fushë, e shtyj veten të bëj vërejtje nëse ka diçka të gabuar në sjelljen e tyre. Me pak fjalë, unë nuk i kam humbur zakonet e mia të mira si gjithmonë” tha Berlusconi.
