Zbulohen pamje të rralla të mbretit Zog në vitet ‘30-të. Agjensia prestigjioze amerikane e lajmeve ”Associate Press” sjell pamje të rralla nga një paradë ushtarake në të cilën shfaqen kuadrate që parakalojnë në prani të tij.
Ndërkohë Mbreti Zog është i shoqëruar në një tribunë nga dy personalitete të kohës, Pandeli Evangjeli dhe Kostaq Kotta. Të dy u bënë kryeministra gjatë kohës që Ahmet Zogu ishte mbret.
Madje Kostaq Kotta ishte kryeministër më 7 prill 1929 kur Shqipëria u pushtua nga Italia fashiste. Në pamje dallohet gjithashtu edhe një kuadrat i veçantë që drejtohet nga princ Esati ose princ Tati rreth 10 vjeç, djali i motrës së Ahmet Zogut, Nafije.
Tati mbeti jetim pas vrasjes së të atit Ceno Bej Kryeziu në Pragë më 14 tetor 1927 kur ishte ambasador në Çekosllovaki. Pamjet shfaqen edhe me audio, ndonëse të një cilësie jo shumë të lartë. Gjithsesi ato kanë vlerë të jashtëzakonshme për historinë./Bl.Ba/Fjala.al
