Aksident me pasojë një person të plagosur është regjistruar mëngjesin e sotëm në autostradën Lushnjë-Rrogozhinë në afërsi të fshatit Golem.
Burime policore bëjnë me dije se rreth orës 08:30 një mjet tip ‘Ford’ me targa AA 678 i drejtuar nga një 30-vjeçar ka humbur kontrollin duke u përplasur me trafikndarësen dhe barrierat e hekurta anësore.
Fatmirësisht nuk ka pasur viktima, por vetëm njëri nga 4 udhëtarët është dërguar në spital me dëmtime të lehta, jashtë rrezikut për jetën.
Policia ka shkuar në vendngjarje dhe po bën verifikimet për të zbardhur dinamikën e ngjarjes./Bl.Ba/Fjala.al
