Ndryshimi i Kodit të ri Zgjedhor ka vënë në lëvizje edhe opozitën parlamentare.
Zef Shtjefni, Kostaq Papa dhe Kujtim Gjuzi, përfaqësues të partive politike të opozitës në Parlament i kanë kërkuar ndihmë ambasadës së SHBA-së që të merren parasysh kërkesat e tyre për listat e hapura.
Në takimin e zhvilluar në kryesinë e Kuvendit me Ian Crowford, shefin e sektorit të politikës në ambasadën amerikane, ata kanë prezantuar rezolutën e tyre.
Ata kërkojnë ndryshimin e sistemit në proporcional kombëtar me lista të hapura dhe kundërshtojnë propozimin e 29 deputetëve të tjerë të opozitës që kërkojnë heqjen e koalicioneve parazgjedhore dhe vendosjen e pragut prej 5%.
Këta përfaqësues opozitarë kanë kërkuar edhe një takim me ambasadorin e BE në Tiran Luigi Soreca./Bl.Ba/Fjala.al
