U bë kohë e gjatë tashmë që flitet për largimin e mesfushorit shqiptar, Granit Xhaka, nga klubi i Arsenal. Marrja e drejtimit të klub anglez nga Mikel Arteta bëri që të përflitej se largimi i Xhakës ishte tashmë fakt i kryer.
Për yllin me origjinë kosovare u përfol se do të kalonte në Bundesligë, për më saktë në klubin e Hertha Belin, gjatë merkatos së dimrit.
Shkak për një largim të mundshëm të tij u bë përplasja me tifozët, të cilët në një farë mënyre ia bënë të pamundur qëndrimin te Arsenal lojtarit të Kombëtare së Zvicrës.
Ish trajneri i Topçinjëve, Jurgen Klinsmann e kishte bërë prioritet largimin e Xhakës, por marrja e drejtimit të londinezëve nga Arteta duket se e ndryshoi situatën.
Ndonëse, nga drejtuesit e klubit ishte vendosur largimi i mesfushorit këtë muaj, sipas raportimeve të Goal thuhet se është rënë dakord për qëndrimin në Arsenal të shqiptarit. Shkak për këtë vendim thuhet të jetë bërë edhe dëmtimi i rëndë i Calum Chambers.
Duket se trajneri i ri i Topçinjëve ka bërë të pamundurën për ta bindur Granit Xhakën për këtë vendim dhe qëndrimi i tij pro shqiptarit u kuptua që në momentet e tij të para në krye të londinezëve ku u shpreh se gjithmonë ka pasur dëshirë që të punonte me të./Fjala.al/Katerina Tafa/
