Në ceremoninë e homazheve kushtuar Moikom Zeqos, ish-deputetja e Partisë Socialiste Arta Dade ka shprehur dhimbjen për humbjen e mikut të saj.
Dade tha se ikja e Zeqos do të lërë pas një zbrazëti të madhe. Dade shprehet se besidat me të do ti mungojnë shumë. Ajo e përshkruan Zeqon si një njeri të ndjeshëm, i cili ka lënë pas një kontribut të madh.
Fjala e plotë
“Ka qenë ndër për ne që e kemi pasur Moikomin mik. Ikja e një miku është e dhimbshme. Lë pa një zbrazëti që nuk do të mbushet për shumë kohë. Do na mungojnë bisedat që bënte, bisedat e ngrohta. Do ta mungojë Moikomi si njeri. Aq i ndjeshëm. Ai është një erudit, dhe nuk ka lëndë të veprimtarisë njerëzore që nuk ka një kontribut. Pasi do të na lërë një zbrazëtirë, si njeri i madh dhe si një shqiptar i madh. Ndaj ai do të kujtohet me respekt dhe dashuri, ashtu siç e meritonte. Kjo ceremoni, e rrallë për kohën që mbahet, tregon se Moikomin e donin.”, tha Dade./Fjala.al/Ke.Ba
