Gjatë ditës së sotme ministrja e Shëndetësisë, Ogerta Manastirliu ka treguar përgatitjet që po bëhen për fazën e dytë të koronavirusit.
Në një video-live në ‘Facebook’, ajo ka theksuar se krahas Spitalit Infektiv po bëhen përgatitje për rihapjen e spitalit Shefqet Ndroqi, i quajtur gjatë kësaj periudhe si COVID 2.
Më tej ajo ka theksuar se për fazën e dytë që pritet të vijë virusi i rrezikshëm do të përgatiten edhe dy spitale të tjera COVID, reparti i ish-kirurgjive në QSUT dhe COVID 4 që do të jetë në aksin Tiranë-Durrës.
“Po përgatitemi për fazën e dytë të koronavirusit, që të kemi në dispozicion spitalet që na duhen, do të kemi gati repartin e ish-kirurgjive në QSUT, do rihapet spitali COVID 2 ose Shefqet Ndroqi dhe do të hapet edhe COVID 4 në aksin Tiranë-Durrës”-është shprehur ministrja.
Ndër të tjera ajo ka theksuar se do duhet të jemi në gatishmëri edhe pse sot ishte afati i fundit i gjendjes së jashtëzakonshme për shkak se rastet sa vijnë e shtohen gjithmonë e më shumë.ka.ta/Fjala.al/
