Sipas ish-kreut të PD-së dhe njëkohësisht ish-kryeministri Sali Berisha, opozita e sotme ka njerëz të rëndësishëm në përbërjen e saj, por duhet të kontraktojë sa më shpejt elitën shqiptare në ShBA dhe Evropë.
Sipas deklaratës së tij, Berisha i kërkon Bashës që të bëjë atë se çfarë bëri ai në vitin 2005, ku mblodhi figura jo politike, por intelektualë, të suksesshëm në profesionet e tyre.
“Nuk ka dyshim që do të jetë dhe shpresoj që Rama të mos shkojë në zgjedhje se në zgjedhje nuk ka shanse. Lulzim Basha ka njerëz, por opozita duhet me shpejtësi të kontraktojë elitën shqiptare në Europë dhe SHBA. Një elite e mrekullueshme. Unë personalisht do ta quaja shumë të domosdoshme sjelljen dhe afrimin e tyre. Sot ka në çdo fushë nga më të shquarit. Shqipëria e ke jetike afrimin e një grupi të rinjsh se shkoi 8 vite prapa”, tha Berisha në “Çim Peka LIVE”.
I pyetur nëse do të jetë deputet vitin e ardhshëm, Berisha u shpreh se nuk ka një projekt konkret por shtoi se, për të qenë në politikë nuk ka nevojë për mandat./En.Br./Fjala.al
