Është zbardhur drafti përfundimtar i Kodit të ri Zgjedhor që u arrit nga marrëveshja në mbledhjet e Këshillit Politik.
Ky draft përfshin ndryshime shumë të rëndësishëm ku është pranuar edhe propozimi i tretë i Partisë Demokratike për Komisionin Qendror të Zgjedhjeve.
KQZ që është ende në fuqi do të shkrihet ditën që Kodi i ri Zgjedhor do të hyjë në fuqi, ndërsa paga dhe privilegjet e Komisionerit janë të njëjta me ato kryetarit të Gjykatës së Lartë.
Kodi i ri Zgjedhor ndalon qeverinë që 4 muaj përpara zgjedhjeve të ulë taksat e të rrisë pensionet, pasi konsiderohen si vendime favorizuese.
Disa nga pikat kryesore që përfshihen në këtë dokument;
- Për kryekomisioner, komisioni kuvendor zgjedh 3 emra nga gjithë kandidatët. I dërguari i opozitës skualifikon një. Kuvendi me 84 vota zgjedh një nga dy emrat e ngelur
- Për KAS dhe Rregullatorin, i dërguari i opozitës cakton dy emra. 3 të tjerë i caktojnë deputetët. Listat me nga 5 emra votohen në bllok në Kuvend
- Për zgjedhjen e këtyre 12 anëtarëve të rinj, PD do të sjellë në Kuvend një të dërguar të posaçëm.
- KQZ do të refuzojë listat e partive politike nëse nuk kanë 30 % femra
- Qeveria 4 muaj përpara zgjedhje nuk mund të marrë vendime favorizueze, si ulje taksash, rritje pensionesh, etj
- 4 muaj përpara zgjedhjeve qeveria mund të zhvillojë aktivitete vetëm me lejen e KQZ.ka.ta/Fjala.al/
