Autoriteti i Konkurrencës do të hetojë në gjashtë muajt në vijim sektori i Arsimit të Lartë. Vendimi është marrë në 24 dhjetor 2019 dhe përcakton shtyrjen edhe me gjashtë muaj të procedurave hetimore që kanë nisur që në nëntor të vitit 2018. Autoriteti i Konkurrencës që të hapte procedurën e “Hetimit të Përgjithshëm në Sektorin e Arsimit të Lartë”, për periudhën kohore nga 1 janari 2017 deri në përfundim të procedurave hetimore. Hetimi u hap pas një studimi në sektorin e arsimit të lartë që kishte në fokus liberalizimin e arsimit të lartë dhe impakti në konkurrencë; Ligji i Konkurrencës në arsim; Mekanizmat për konkurrencë të lirë – tregu i studentëve.
Sipas studimit, diversiteti i Institucioneve Arsimore të Larta (IAL) publike dhe private ka krijuar një treg të larmishëm, ku studentët janë të lirë të zgjedhin. Zgjedhja e tyre mbështetet në informacionin e ofruar nga mekanizmat shtetërore, veçanërisht Ministria e Arsimit dhe vetë IAL-të publike ose private. Ky informacion duhet të jetë i dhënë saktë në mënyrë reale dhe transparente, sepse vetëm kështu ai krijon besueshmëri dhe mundësi më të madhe zgjedhje nga studenti.
Pas vlerësimit të gjetjeve, Konkurrenca vlerësoi se është e vështirë të konkludohet për konkurrencën në Sektorin e Arsimit të Lartë, pasi çështjet e mësipërme kanë nevojë për një trajtim më të thelluar dhe më gjithëpërfshirës për të parë nëse ka elemente të cenimit të konkurrencës.
