Mbrëmjen e kësaj të hëne, një aksident i rëndë ka ndodhur në Shkodër, ku për pasojë ka ndërruar jetë një 28-vjeçare.
Mësohet se ngjarja ndodhi në rrugën Shkodër-Bardhaj në vendin e quajtur ura e Bardhajve.
Drejtuesi i mjetit tip Alfa Romeo, ka humbur kontrollin duke u përplasur me një mur dhe si pasojë ka aksidentuar L. H. 28 vjeçe, e cila ka ndërruar jetë në Spitalin e Shkodrës, si dhe është dëmtuar D. K. 42 vjeç, i cili po merr mjekim në spital.
Lexo edhe : Aksident i rëndë, humb jetën drejtuesi i motorit
Në vendngjarje ndodhen shërbimet e policisë dhe grupi hetimor për sqarimin e rrethanave të aksidentit si dhe po punohet për kapjen e drejtuesit të mjetit i cili është larguar nga vendi i ngjarjes.
la.mi/Fjala.al
