Tekniku Italian Carlo Ancelotti ka arritur marrëveshje për të marrë drejtimin e klubit anglez Evertoni.
Vetëm pak ditë pasi është larguar nga drejtimi i Napolit, raportohet se marrëveshja mes Ancelottit dhe Evertonit është afër finalizimit.
Media ndërkombëtare si TalkSport, Daily Express dhe Sky Sport shkruajnë se kjo marrëveshje është arrirë. Ndërsa La gazzetta dello Sport shton ndër të tjera se kjo kontratë do të ketë afat deri në vitin 2022.
Pas largimit të Marco Silvas më 5 dhjetor dhe vendosjes në pozicionin e tij të Duncan Ferguson, me shumë mundësi vendi i trajnerit do i jepet Ancelottit. Më parë Ancelotti ka drejtuar klube të njohura si Juventus, Milan, Parma, Real Madrid, Chelsea, PSG, dhe Bayern Munich.
