Trajneri i Liverpul, Jugen Klopp e ka pritur me batuta emrin e kundërshtarit që u vendos nga shorti i 1/8 në Ligën e Kampionëve.
Tekniku gjerman ka thënë me humor se do t’i kërkojë ekipit të Atletiko Madrid që t’i lejojë të përdorin dhomat e tyre të zhveshjes kur të udhëtojnë me 18 shkurt drejt “Wanda Metropolitano”.
Në këtë stadium “Reds”-at rritën që të fitonin ndaj Totenhem në finale e kampionëve të Europës me rezultatin 2-1, duke u kurorëzuar për të gjashtën herë.
Ekipi i Klopp u akomodua në dhomën e zhveshjes së skuadrës pritës në ndeshjen ku arritën të shpalleshin kampionë kontinentalë.Jurgen Klopp ka thënë që do ishte bukur nëse skuadrës së tij do i lejohej të përdorte edhe në këtë ndeshje dhomën e zhveshjes së skuadrës pritëse.
“Përdorëm dhomën e skuadrës pritëse në atë ndeshje. Ndoshta mund t’u kërkojmë që të na e japin atë dhomë përsëri. Ishte me të vërtetë e bukur. Ishte mbushur me simbolet e Liverpulit, por mendoj se tani i kanë hequr. Është fantastike. Çfarë të them unë? Përjetova një prej mbrëmjeve më të bukura të jetës sime në atë stadium, por këtë herë, ne duhet të shkojmë atje për të dhënë më të mirën. Pastaj Atletiko do të vijë në ‘Anfield’, i cili është gjithashtu një stadium shumë i bukur”-thotë gjermani.
Më tej tekniku Klopp ka thënë se kjo ndeshje është e vështirë për të dyja skuadrat dhe me tone humori ka theksuar se nuk mendon se trajneri i Atletiko Madrid, Diego Pablo Simone është duke vrapuar nga gëzimi.
“Nuk mendoj se zoti Simeone është duke vrapuar në dhomën e tij nga gëzimi që u shortua me Liverpulin. Do të jetë një ndeshje shumë e fortë mes dy skuadrave që luajnë futboll me intensitet. Janë dy stile të ndryshme, por që të dyja janë gati për intensitet dhe kjo e bën goxha të vështirë për të dyja”.- u shpreh ndër të tjera Jurgen Klopp./Përgatiti: Fjala.al/
