Kompania Instagram nëpërmjet një shërbimi të ri do të lajmërojë përdoruesit e saj nëse titujt që shoqërojnë videot ose fotot e postuara janë fyese. Sipas kompanisë ky shërbim i ri u jep përdoruesve një mundësi për të menduar më shumë rreth atyre që postojnë dhe të mos abuzojnë.
Qëllimi i kompanisë Instagram është që të luftojë bulizmin në rrjetet sociale, i cili është një shqetësim i madh për platforma të tilla si Instagram, YouTube dhe Facebook.
“Përdoruesit e Instagram do të lajmërohen nëse titujt që shkruajën janë fyese ose jo, përveç limitimit të bulizmit, paralajmërimi do të shërbejë për të edukuar përdoruesit se çfarë lejohet të postohet në Instagtram dhe kur një llogari mund të shkelë rregullat tona’- tha një përfaqësues i kompanisë.
Instagram u rendit si platforma më e keqe në internet për bulizmin sipas një studimi të kryer në korrik të vitit 2017.
