Shqipëria dhe Kroacia i bëjnë kërkesë NATO-s

113 563 lexime

124,178FansaPëlqeje

Nga Benet Koleka

Shqipëria dhe Kroacia i kanë kërkuar NATO-s të rishikojë planet për misionin e saj paqeruajtës në Kosovë, duke argumentuar se retorika nacionaliste nga politikanët serbë kërcënon të destabilizojë rajonin e skalitur nga luftërat e viteve 1990.

Marrëdhëniet midis Serbisë dhe Kosovës vazhdojnë të jenë të tendosura pasi Beogradi dërgoi në kufi një tren të pikturuar me parullën “Kosova është Serbi” dhe policia e Kosovës tha që do ta ndalonte atë të hynte në territorin e saj.

Presidenti i Serbisë ka akuzuar autoritetet në Prishtinë se duan të fillojnë një luftë, ndërsa homologu i tij kosovar ka thënë se Serbia mund të përdorë metodën që përdori Rusia në Krimea për të marrë pjesën veriore të Kosovës.

Mimi Kodheli dhe Damir Krsticevic, ministrat e mbrojtjes së Shqipërisë dhe Kroacisë, i shkruan Sekretarit të Përgjithshëm të NATO-s Jens Stoltenberg duke dënuar kështu “retorikën nacionaliste nga politikanët serbë dhe veprimet konkrete në kufi”.

Ministrat shkruajtën se ato veprime që synojnë “shkeljen e sovranitetit të Republikës së Kosovës dhe destabilizimin e situatës së sigurisë në Ballkanin Perëndimor”, sipas një deklarate nga zyra e ministers së Shqipërisë.

“Të dy ministrat kërkuan që Plani Operacional i misionit të ruajtjes së paqes në Kosovë të rishikohet pas zhvillimeve të fundit atje”- shtoi deklarata shqiptare. Deklarata nuk e thoshte se çfarë rishikimi duhet të ndjekin.

Integrimi i vendeve të Ballkanit Perëndimor në BE dhe NATO shihet nga të dy institucionet si një mënyrë për të garantuar paqen në një rajon ende të plagosur nga luftërat që pasuan rënien e Jugosllavisë në fillim të viteve 1990.

Ministrat i thanë Stoltenberg se Shqipëria dhe Kroacia mbështesin transformimin e Forcës së Sigurisë së Kosovës, e cila në rastë të ndonjë sulmi ka dukshëm mungesa në armatim, mbrojtjeve civile dhe deponim, për krijimin e një ushtrie të plotë.

Lexo edhe :  "Do të kemi një ditë të dytë vere"/ Berisha: Votoni për pensionet, rrogat dhe bizneset

Por për të krijuar ushtrinë, Kosovës i duhet mbështetje e pakicës serbe në parlament, përfaqësuesit e së cilës kundërshtojnë këtë veprim.

Serbia humbi kontrollin mbi Kosovën në 1999, kur NATO e bombardoi atë për të ndaluar spastrimin etnik serb në një luftë kundër-kryengritjes. NATO ka ende rreth 4500 trupa të stacionuar në Kosovë për të mbajtur paqen. Mbështetur nga SHBA dhe shtetet kryesore të Evropës Perëndimore, Kosova shpalli pavarësinë nga Serbia në 2008.

Shqiptarët përbëjnë më shumë se 90% të popullsisë së Kosovësnë krahasim me pakicat e tjera etnike. Kosova e Veriut është shtëpia e një pakice serbe prej rreth 40,000 deri në 50,000 njerëz që nuk e konsiderojnë Prishtinën kryeqytetin e tyre./Burimi: Wellston Journal/Përshtati: Fjala.al/

Të fundit

Anija “hije” e Rusisë në Gjirin e Finlandës, NATO dhe Rusia ngrenë avionët luftarakë

Momenti dramatik kur avionët e NATO-s ata luftarakë rusë u përplasën mbi Detin Baltik, pas një përballjeje të tensionuar...

Analiza e votave: A u bindën shqiptarët nga partitë e reja? Mesazhi final është… jo!

Jemi në prag të mesnatës (15 maj) dhe procesi i numërimit të votave të zgjedhjeve të 11 majit thuajse ka mbaruar. Kanë mbetur kryesisht...

“Rama e di të vërtetën për BE, por nuk e thotë”. Analisti: Europianët janë hipokritë

Gazetari Arjon Sulo, i ftuar në një intervistë në Euronews Albania, ka shprehur skepticizëm të thellë mbi qëndrimin e Bashkimit Europian ndaj anëtarësimit të...

“Më kanë grabitur votat brenda partisë sime!” Kandidati i PD-së denoncon… PD-në

Kandidati i Partisë Demokratike në listën e hapur në qarkun e Durrësit, Aulon Kalaja ka bërë një denoncim të fortë duke akuzuar dhe persona...

“Sa simbol i bukur!” Von der Leyen mbërrin në Tiranë për takimin e KE

Presidentja e Komisionit Europian, Ursula von der Leyen, ka mbërritur mbrëmjen e sotme në Tiranë për takimin e Komunitetit Politik Evropian. Përmes një postimi në...

Lajme të tjera

Web TV