Ambasadorja Suedeze ne Shqipëri, Elsa Hastad, ka dalë kundër projektligjit më të ri të qeversië shqiptare për cesurimin e mediave. Në një deklaratë ajo është shprehur totalisht kundër ligjeve që tentojnë të kontrollojnë median.
Sipas saj liria e medias është një nga themelet më të rëndësishme të demokracisë.
“Mendoj se është shumë e vështirë dhe unë jam shumë kritike ndaj ligjeve që përpiqen të kontrollojnë median në çdo vend. Mendoj se liria e shprehjes dhe liria e medias është vërtet një nga themelet e një shoqërie demokratike.
Eshtë besimi im i vendosur dhe mendoj se çdo vend, jo vetëm Shqipëria duhet të jetë shumë e kujdesshme kur vjen çështja te legjislacioni i ri, sepse edhe nëse thua se dëshiron të shpëtosh vendin nga lajmet e rreme, askush nuk i do lajmet e rreme.”, -u shpreh ajo.
Përsa i përket lajmeve të rreme, ajo ka mbajtur qëndrim kritik por duke u treguar e kujdesshme dhe tepër diplomatike në deklaratën e saj.
“As unë nuk i dua lajmet e rreme. Nëse është i rremë, atëherë nuk është lajm, por nuk jam e sigurtë që krijimi i ligjeve të reja është mënyra më e mirë për të ecur përpara. Ndoshta nevojitet ndërtimi i kapaciteve, por për legjislacion nuk jam e sigurtë. Mendoj se duhet të jemi të kujdesshëm kur nxjerrim legjislacion të ri në fushen e medias”, -deklaroi ambasadorja.
