Fjalëve të dëgjuara së fundmi për një kalim të Mauro Icardit te Juventus i kaq kthyer përgjigje gruaja e lojtari Wanda Nara.
Sipas Wandës, Icardi ka vendosur që të firmos me Paris Saint-Germain, në mënyrë që të mos tradhtojë Interin.
Verën e kaluar Icardi u largua nga Interi dhe u huazua te PSG-ja dhe duket se ky huazim ka rezultuar shumë i mirë pasi ai është shfaqur në superformë.
Gruaja dhe njëkohësisht agjentja e tij Wanda Nara ka thënë se është e pamundur që Icardi të kaloj te skuadra e Juventusit.
Në një intervistë për Rete 4, ajo tha se Mauro është goxha mirë te PSG-ja dhe nuk ka ndërmend të lëvizë.
“E tashmja e Mauros është në PSG. Ai është i lumtur në Paris dhe ai po shënon disa gola të çmendur. Unë jam e interesuar vetëm për lumturinë e tij dhe tani ai është shumë i lumtur. Ai është në një nga klubet më të rëndësishëm në botë dhe zgjedhja për të shkuar në Paris u bë gjithashtu që të mos e tradhtonte Interin”.- u shpreh ajo.
Më tej agjentja e Mauros shtoi se ndonëse nuk dihet se kush e largoi nga interi, jo lëvizje sipas saj ishte më e mira për të.
“Nuk e di kush e nxori jashtë nga Interi, por në fund të fundit ishte një veprim i mirë për të gjithë dhe tani ai është në një ekip më të mirë dhe më të rëndësishëm”.-tha ndër të tjera Wanda Nara./Përgatiti: Fjala.al/
