Reperi i famshëm shqiptar Rigels Rajku, i njohur nga të gjithë si Noizy, përveç suportit që ai ka bërë në ditët e vështira të tërmetit, ka menduar përsëri për fëmijët e qytetit të Durrësit.
Duke u veshur si babagjyshi i Vitit të Ri dhe duke kënduar e kërcyer, ka krijuar një atmosferë festive në këtë qytet ku dukej sikur nuk do të festohej për shumë kohë, Noizy ka qenë aty duke u dhënë fëmijëve ende shpresë për qytetin e tyre, në të cilin shumë buzëqeshje kanë ngrirë.
Kwngwtari Noizy është mjaft aktiv nëpër koncerte në jetën e natës, por tani njihet edhe për shpirtin e tij human, dhe dashurinë e madhe që ka për njerëzit. Ai është shpërblyer me mirënjohje për mbështetjen dhe suportin që u dha njerëzve pas tërmetit të 26-nëntorit. Përveç netëve pa gjumë nën hijen e dhimbjes së viktimave, dhe të tjerve që prisnin ushqime dhe ndihma , ka qenë reperi ai që ka gatuar vetë për personat e strehuar në çadra.
Noizy-n në Instagram e shohim duke kërcyer dhe të lumtur pranë fëmijëve, ai falënderon Palace Hotel për suportin dhe Jolie-event, mesa duket edhe këto biznese i kanë bërë të mundur këngëtarit një ambient edhe më të ngrohtë.
Nuk ka gjë më të bukur, sipas reperit, në këtë moment në qytetin e Durrësit, se sa sytë e lumtur të fëmijëve që i rezistuan një fatkeqësie kaq të madhe. Dhe sot ata me siguri besojnë se ekziston një babagjysh që do t’u realizojë dëshirat e tyre. Mesa duket ky ka qenë edhe qëllimi reperit, t’i bëjë ata të besojnë dhe të luftojnë për ëndrrat e tyre./Përgatiti: Fjala.al/
