“La Radura” quhet instalacioni i realizuar nga arkitekti italian Stefano Boeri, që është ndërtuar në parkun pas godinës së Këshillit të Ministrave dhe që u përurua sot dhe në prani të kryeministrit Edi Rama. Në këtë mënyrë Tiranës i shtohet një tjetër destinacion interesant, ku qytetarë, organizata e institucione të ndryshme mund të organizojnë takime e evente të ndryshme në një ambient të hapur.
Teksa hapi këtë takim, kreu i Bashkisë së Tiranës, Erion Veliaj, duke falënderuar arkitektin Boeri për realizimin e kësaj vepre, solli në vëmendje faktin se ajo vjen tërësisht në elementët e drurit, duke u përshtatur më së miri me ambientin përreth.
Më tej ai theksoi se “La Radura” në Tiranë, ashtu si edhe në Amatriçe të Italisë, megjithëse rastësisht vjen në mënyrë simbolike edhe si pjesë e procesit të rindërtimit pas tërmetit.
Gjatë përurimit, Rama tha se arkitekti i njohur do të jetë i angazhuar në fazën e rindërtimit në ndërtesave për banorët që mbetën pa strehë nga tërmeti 26 nëntorit. Kryeministri Rama tha se do të kemi me prioritet rindërimin, sidomos në zonat rurale. Gjatë fjalës së tij, shefi i qeverisë garantoi qytetarët e prekur se brenda vitit të ardhshëm do kenë shtëpinë e tyre. Sipas tij, ndërtimet e shtëpive në zonat e prekura do të bëhen me cilësi të lartë dhe sipas standardeve.
Ndërsa vetë Stefano Boeri u shpreh se duhet të ndiqet modeli italian duke propozuar stilin barok të ndërtesave, si në Silici.
Takimi për inaugurimin e “La Radura-s” shërbeu gjithashtu edhe për zhvillimin e një debati të hapur ndërmjet arkitektëve shqiptarë dhe të huaj mbi projektimin e lagjeve të reja, për strehimin e të prekurve nga tërmeti i 26 nëntorit
Vepra e artit “La Radura” ose e thënë shqip hapësira bosh pa pemë në mes të pyllit, sipas Stefano Boerit është koncidencë pasi është e përafërt me një instalacion në Amatrice, por kjo hapësirë artistike ishte porositur para tërmetit nga Bashkia e Tiranës/ Fjala.al
