Në 1944, George Junius Stinney Jr, jetonte në Alcolu, County Clarendon, Karolina e Jugut. George punonte në sharrën e qytetit, dhe familja banonte në banesat e ndërmarrjes. Alcolu ishte një qytet i vogël, i klasës punëtore, ku lagjet e bardha dhe të zeza u ndanë me shina hekurudhore.
George u akuzua për vrasjen e dy vajzave të bardha, Betty nga 11 vjeç dhe Mary e 7 vjeç. Kufomat e të cilave u gjetën pranë shtëpisë ku ai banonte me prindërit e tij. Gjyqi zgjati vetëm 2 orë dhe dënimi u dha 10 minuta më vonë. Prindërit e fëmijës u kërcënuan, nuk u lejuan t’i jepnin atij dhurata në sallën e gjyqit dhe më pas u dëbuan nga ai qytet. George Stinney Jr. është personi më i ri në moshë i dënuar me vdekje në shekullin e 20-të në Shtetet e Bashkuara. Ai ishte vetëm 14 vjeç kur u ekzekutua në karrigen elektrike. Gjatë gjithë gjyqit të tij dhe deri në ditën e ekzekutimit të tij, adoleshenti mbante në duar një Bibël, duke pretenduar gjithmonë pafajësinë.
70 vjet më vonë, pafajësia e tij u provua më në fund nga një gjykatës në Karolinën e Jugut. Trau me të cilin u vranë dy vajzat, peshonte më shumë se 19.07 kilogramë. Prandaj, ishte e pamundur që Stinney të ishte në gjendje ta ngrinte, e lëre më pastaj ta manovronte aq sa duhej për të vrarë vajzat. Fëmija ishte i pafajshëm, dikush ia hodhi fajin atij vetëm sepse ishte me ngjyrë. Stephen King u frymëzua nga ky rast për të shkruar librin e tij “Milja e Gjelbër”, i cili më pas u përdor për skenarin e vitit tejet të famshëm me të njëjtin emër, që u shfaq në kinematë botërore në vitin 1999. /Fjala.al
