Çështja e emigrantëve është kthyer në shumë shqetësuese për shumë vende. Për këtë arsye, Mali i Zi do të vendosë trupa ushtarake në kufijtë e tij.
Kjo vjen si përgjigje ndaj emigrantëve që kalojnë përmes këtij vendi, për të arritur në Bashkimin Evropian.
Afro 8,000 emigrantë nga Lindja e Mesme dhe Afrika e Veriut kanë kaluar tranzit Malin e Zi në vitin 2019 – gati dyfish më shumë se vitin paraprak, ka njoftuar më herët Organizata Ndërkombëtare për Migrim.
“Ushtria do të angazhohet në mbrojtjen e kufijve të shtetit dhe do t’i ndihmojë agjencitë e sundimit të ligjit”, tha të premten Këshilli për Mbrojtje dhe Siguri i Malit të Zi.
Vendosja e ushtrisë në kufij pritet të nisë në fund të vitit. Që nga fillimi i këtij viti, policia malazeze ka arrestuar 51 kontrabandë të dyshuar të emigrantëve. Ata zakonisht marrin mijëra euro nga emigrantët për t’i çuar në BE.
