Ilir Meta nuk i ndahet Kreut të Emërimeve të Drejtësi, Ardian Dvorani. Presidenti i vendit ka publikuar një video tjetër, ku pretendon se Dvorani ka kryer një grusht shteti ndaj Kushtetutës.
Kreu i shtetit e ka shndërruar përballjen e tij me Ardian Dvoranin në një luftë mediatike edhe pse të dy janë thirrur në prokurori për të dhënë sqarime mbi konfliktin institucional midis KED dhe Presidencës.
“Të dashur qytetarë! Ky është spoti i dytë i autorizuar nga unë në gjuhën angleze, për të denoncuar dhe njohur opinionin ndërkombëtar për përpjekjen për grusht shteti, përmes uzurpimit mafioz të kontrollit të Gjykatës Kushtetuese”, shkruan Meta në Facebook.
