Kreu i Këshilli të Lartë të Prokurorisë, Gent Ibrahimi prezantoi Arben Kraja në krye të SPAK. Ibrahimi tha se tashme që drejtësia ka marrë formë të gjithë mund të festojë të qetë. Ai gjithashtu falënderoi Donika Prelën, ish-kryetaren e Prokurorisë së Krimeve të Rënda.
“ Sot bëjmë një mbyllje të procesit dhe hapim një tjetër. Tashmë këto institucione janë të krijuara. Ne kemi ndjerë peshën e punës. Presim që dritat e skenës të zhvendosen aty ku duhet të jenë, Do të japim kontributin tonë për reformën në drejtësi. SPAK është një strukturë që njihet nga të gjithë. Mendoj se do ketë rezultatet që ne presim për këtë strukturë.
Falënderoj dhe zonjën Prela, e cila ka punuar në dy vitet e fundit pasi ka qenë në një presion të zakonshëm. Tashmë mund të shkojmë të festojmë të qetë, pasi viti i ri do të jetë shumë intensiv. Jam optimist se SPAK do të marrë peshën e duhur në jetën e këtij vendi. Sot është një ditë historike për vendin.”- tha kreu i KLP, Ibrahimi
Kreu i SPAK, Arben Kraja gjatë prezantimit të tij tha se strukturën që ai drejton e pret një punë e madhe.
“Nuk dua ta zgjas se kemi shumë punë për të bërë. Falënderoj të gjitha anëtarët e KLP, bashkë me të gjithë prokurorët e tjerë do bëjmë një grup shumë të mirë. Nuk është më koha për llafe, por për punë. Bashkë me zotin Dumani dhe zotin Kondilli do të krijojmë një grup të mirë”- tha kreu i SPAK, Kraja./Fjala.al/
