“Djali ka qenë në shtëpi në orën 6 të mëngjesit. S’kemi pasur konflikte me Flamurin”. Kështu deklaron babai i 18-vjeçarit Devis Hoti, i cili u arrestua në lidhje me vrasjen e Flamur Ducit në Korçë. Ngjarja ndodhi dje në mëngjes në fshatin Mborje, pranë dyqanit të viktimës. Babai i autorit ka mohuar faktin që djali i tij të ketë lidhje me vrasjen e kushëririt.
Ai tha se me 45-vjeçarin, baba i dy fëmijëve, kishin raporte normale si familje. Ai ka dalë në krah të të birit duke ngritur edhe një alibi që sipas të dhënave të medieve lokale ka bërë ka përjashtuar të birin nga çdo akuzë që është ngritur për masakrën e një ditë më parë.
Në rrëfimin e tij thuhet: “Djali ka qenë në shtëpi në orën 6 të mëngjesit. Ka qenë këtu. Viktimën e kisha kushëri, djalë halle. Kemi patur marrëdhënie normale. Nuk kishim konflikte me ata. Le ta gjejë policia vetë pse është arrestuar djali. Edhe neve na morën deklaratën policia, por në shtëpi.”, tha babai i 18-vjeçarit. Ky i fundit u arrestua sot nga policia e Korçës, ndërsa rezulton person me precedentë penale, pasi më herët ka qenë i dënuar për veprën penale “Plagosja e rëndë me dashje”.
Policia e Korçës ka bërë me dije para disa orësh se ka prova të forta dhe të mjaftueshme që e vënë në pozita dyshuese të riun. Por nëse nuk arrihet të provohet alibia e të atit që ka të bëjë me faktin që i biri ka qenë në gjumë atëherë djali do të lihet nën akuzën e vrasjes.
Mësohet se prokuroria dhe policia kanë gjurmët e tij që janë gjendur në vendin e ngjarjes, por konkretisht nuk flitet se për çfarë gjurmësh konkrete flitet. Fillimisht u dyshua se shkak duhej të ishin problemet familjare ndërsa orëve të vona të mbrëmjes së djeshme u tha se është shoqëruar një djalë dhe se ishte edhe personi kryesor i dyshuar. /Fjala.al/
