Vazhdojnë aksidentet me pasojë marrje jetësh njerëzore në vendin tonë. Edhe orëve të vona të së djeshmes është regjistruar një tjetër ngjarje e rëndë dhe kësaj here në kryeqytet ku një i ri ka përplasur për vdekje një kalimtar.
Policia ka ndaluar të riun dhe ka shoqëruar për në spital të aksidentuarin por për fatin e keq nuk ka mundur t`iu mbijetojë plagëve të marra.
Një 27-vjeçar është arrestuar në flagrancë nga policia pasi ka aksidentuar për vdekje një 73-vjeçar.
“Arrestimi i tij u bë pasi duke qarkulluar me automjetin, tip ‘”Mercedes Benz”, në rrugën e “Durrësit”, ka përplasur shtetasin Gj. L., 73 vjeç, i cili si pasojë e dëmtimeve dhe plagëve të marra nuk ka mundur të mbijetojë”, njofton policia.
Njoftimi i policisë
Mbrëmë afër mesnatës policia njoftoj se: “aksidenton me automjet një 73-vjeçar në rrugën e “Durrësit”, arrestohet drejtuesi i automjetit. Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: E. M.,27 vjeç, banues në Tiranë.
Arrestimi i tij u bë pasi duke qarkulluar me automjetin, tip ‘”Mercedes Benz”, në rrugën e “Durrësit”, ka përplasur shtetasin Gj. L., 73 vjeç, i cili si pasojë e dëmtimeve dhe plagëve të marra nuk ka mundur të mbijetojë.
Materialet i kaluan Prokurorisë se Rrethit Gjyqësor Tiranë, për veprat penale “Shkelja e rregullave të qarkullimit rrugor me pasojë vdekje” në ngarkim të shtetasit E. M.
Aksidenti i orëve të vona të së djeshmes është i treti i regjistruar ditën e djeshme në vend. Më herët u shkaktuan edhe dy të tjerë, ku u shënuan 6 persona të plagosur por për fatin e mirë të gjithë kanë mundur të shpëtojnë.
Pavarësisht që policia ka shtrënguar masat duke vënë gjoba, si duket gjobat vihen vetëm për kundravajtje pa mundur të realizohet një sensibilizim konkret qytetar sidomos në kohë festash dhe në kohë reshjesh. /Fjala.al/
