Hamptons është një nga lagjet e cila ka një reputacion si tokë e rezervuar për të pasurit dhe shtresat e larta. Ndoshta një diskriminim i tillë ka tërhequr vëmendjen e bandave famëkeqe të rrugëve të New Yorkut. Pretendohet se një prej bandave më famëkeqe, MS-13 të ketë kryer vrasje të tmerrshme në këtë lagje, gjë që ka alarmuar pasanikët.
Vetëm vitin e kaluar u gjetën katër kufoma të masakruara brenda kësaj lagjeje.
Por kush është MS-13?
Mara Salvatrucha , e njohur zakonisht si MS-13 , është një bandë kriminale ndërkombëtare që filloi në Los Angeles , California, në vitet 1970 dhe 1980. Fillimisht, banda u krijua për të mbrojtur emigrantët Salvadoran nga bandat e tjera në zonën e Los Angeles. Me kalimin e kohës, banda u shndërrua në një organizatë më tradicionale kriminale. MS-13 karakterizohet nga egërsia e saj dhe rivaliteti me Bandën e 18-të të Rrugës .
Kohët e fundit kjo bandë ka kanë qenë shumë aktivë pikërisht në Long Island duke i detyruar pasanikët në panik të marrin masa ekstreme. Ata kanë kërkuar që të rrisin masat e sigurisë në shtëpitë e tyre duke porositur dritare dhe dyer të blinduara, gjithashtu edhe bunkerë apo dhoma paniku.
Në vende suburbane, kjo është një lloj revolte e shtresës së varfër kundër të pasurve të cilët nuk kanë ku çojnë paratë dhe katandisen t’i harxhojnë dukë porositur xham antiplumb 6000 dollarë. Diferenca ndaj shoqërive urbane nuk ka të bëjë me sa para kanë të pasurit, pasi vende ku shtresëzimi shoqëror është i theksuar ka plot.
Imagjinoni sikur një grup rebelësh të turreshin drejt zonës së “rolling hills”, maksimumi do godisnin me vezë ose domate në muret e rezidencës. Kjo nuk është për shkak se pakënaqësia është më e vogël ndaj shtresës së pasur, përkundrazi, shoqëritë urbane e kanë të vështirë të nxjerrin kriminalitet me veçori të tilla.
/Fajla.al
