Orëve të para të ditës së sotme Vlora është tronditur nga një shpërthim i telekomanduar. Një mjet është hedhur në erë diku rreth orës 02.50 minuta në afërsi të një ambienti banimi.
Makina tip “Volkswagen” e prokurorit Kuliçi e cila është djegur në një pjesë të mirë ka qenë e parkuar në afërsi të banesës së tij.
Kreu i Gjykatës së Vlorës, Haluci ka deklaruar se kjo është një ngjarje e rëndë dhe se ka lidhje me punën e prokurorit.
“Ngjarje e shëmtuar që ka lidhje me punën e prokurorit. Unë kam besim te Prokuroria se ngjarja do zbardhet. Ne do të përgjigjemi me akte dhe me dënime”, -është shprehur Haluci.
Ai ka shtuar më tej se Kaliçi është një ndër prokurorët më të mirë të zonës.
Mjeti ka pësuar dëmtime të mëdha ndërkohë që hetuesit dhe ekspertët nuk kanë mundur të fiksojnë asnjë gjurmë. Është pyetur edhe kolegu i tyre por ai ka refuzuar të japë shpjegime konkrete pasi ai beson se nuk ka asnjë konflikt me ndonjë person.
Kamerat për rreth dhe dëshmia e prokurorit nga Tropoja që shërben prej shumë kohësh në Vlorë, madje edhe në pozicionin numër dy të kësaj akuze, nuk kanë dhënë ende rezultat.
