Moti i keq që ka përfshirë vendin ka sjellë problematika në disa akse rrugore. Autoriteti Rrugor Shqiptar raporton se ka pasur rënie gurësh dhe dherash në rrugë, pemë të rrëzuara si dhe mbetje të tjera, të cilat kanë krijuar vështirësi në rrugë.
Ndërkohë reshjet e shiut kanë bërë që të dalë nga shtrati lumi Ishëm në Fushë-Krujë.
Si pasojë janë përmbytur dhjetëra hektarë tokë në Mallkuç. Po ashtu, është përmbytur fshati Murqinë. Plot 30 banesa në fshatin Murqinë janë të rrethuara nga uji.
Sipërfaqja e përmbytur po zmadhohet pasi prurjet po shtohen. Gjithashtu rruga që lidh fshatrat e përmbytur është bllokuar/Fjala.al/
