Mbyllet me rezultatin e bardhë 0 me 0 pjesa e parë e takimit Partizani-Vllaznia, e vlefshme për fazën e 17-të të Kategorisë Superiore. Ky 45 minutësh i parë u mbyll pa gola, por loja u zhvillua kryesisht në gjysmëfushën e shkodranëve.
Ekipi i Partizanit pati disa mundësi, por nuk u arrit finalizimi me gol, ndërkohë edhe Vllaznia rrezikoj disa herë portën e “Demave të Kuq”, por as ky ekip nuk arriti që të shënojë. Ajo që ra në sy në këtë pjesë të parë, ishte performanca e dobët e Jasir Asanit, i cili sot ka ndeshjen e fundit me Partizanin, pasi në janar do kalojë te “AIK Stocholm”.
Ndërsa në këtë takim, spikati lojtari i shkodranëve Godfrey, i cili mbajti lojën për Vllazninë. Të dyja skuadrat kanë nevojë për këtë fitore, pasi në ndeshjet e fundit kanë patur performanca të dobëta, ku vlen të theksohet sidomos ajo e Partizanit në derbin kryeqytetas ndaj Tiranës./Fjala.al/Përgatiti: K.T./
