Shqiptarët e Lazios, Tare dhe Strakosha kanë qenë në delir pasi kanë arritur të fitojë për herë të pestë në histori Superkupën e Italisë, e cila këtë herë u zhvillua në Riad të Arabisë Saudite.
Lacialët në finale mposhtën Juventusin me rezultatin e thellë 3-1, ashtu siç bën edhe në “Serie A” pak javë më parë. Ekipi i drejtuar nga Simone Inzaghi, kaloi shpejt në epërsi përmes Luis Alberto në minutën e 16-të, por në fund të pjesës së parë Juve barazoi gjithçka me anë të Paulo Dybala, që shënoi në minutën e 45-të.
Kur ndeshja po shkonte drejt baraspeshës, kapiteni i Lazios, Senad Lulic, doli në skenë dhe i dha sërish avantazhin skuadrës së tij në minutën e 73-të, para se Cataldi me një predhë të vërtetë të vuloste rezultatin përfundimtar në të tretën minutë shtesë.
Kjo ishte një fitore e madhe për ekipin e Lazios dhe mbi të gjitha për dy shqiptarët, Strakosha-Tare, mënyra më e bukur për të mbyllur vitin. Në fund festa është për bardhekaltrit, me Strakoshën, Taren apo Valon Berishën, që i gëzohen trofeut.
Por në këtë sfidë vetëm emri ishte “Superkupa e Italisë”, pasi kjo finale ishte një marketing i pastër, edhe emrat në fanellë kishin ndryshuar. Të besuarit e Simeones zhvilluan një ndeshje të madhe duke mposhtur sërish “Zonjën e Vjetër”, brenda një harku kohë shumë të shkurtër.
Kjo është hera e katër që Lazio fiton Superkupën, për herë të fundin e kishin bërë diçka të tillë dy vite më parë, sërish duke mposhtur Juven në finale./Fjala.al/
