Uji i lartë në Venecia preku lartësinë 144 cm, mëngjesin e sotëm. Kjo është një situatë e jashtëzakonshmë për qytetin e Venecias, pasi 60% e tokës së qytetit është mbuluar nga uji.
Sicilia: Një natë e gjatë pune për zjarrfikësit në Palermo për shkak të erës së fortë dhe motit të keq që shkaktuan edhe tre të lënduar. Ditë e djeshme tre personat u transportuan në Spitalin Qëndror, pasi u plagosën nga shembja e çatisë së kuzhinës ndërsa ishin të ulur në tryezë, për fat të mirë nuk patën lëndimë serioze.
Ishujt Aeolian janë gjithashtu të izoluar për shkak të forcës 7 ballë të detit dhe erës që fryn 80 kilometra gjatë gjithë natës. Deti përmbyti shtëpitë e San Gaetano ndërsa në Milazzo janë bllokuar tragetet dhe 200 njerëz janë bllokuar përfshi turistët.
Sardenja: Pavarësisht motit të keq me erëra të forta që fshinë brigjet perëndimore të Sardenjës, anija tregtare e ankoruar mbrëmjen e së shtunës në shkëmbinjtë në Sant’Antioco, mbetet e bllokuar në Torre Cannai, në Sardenjën perëndimore. Të 12 anëtarët e ekuipazhit u gjetën ditën e djeshme dhe u shpëtuan. Tani pritet që kushtet e motit të përmirësohen, në mënyrë që të fillojë shkëputja e anijes me 108 metra dhe gjithashtu të kontrollohet për dëmtitme.
Kalabria: Një stuhi e dhunshme goditi brigjet e Vibonese duke shkaktuar shembjen e pjesës përfundimtare të skelës antike dhe karakteristike nga Marina di Pizzo. Stuhia ditëve të fundit kishte dëmtuar rëndë skelën, duke shkaktuar çarje të shumta në beton, por fryrja e dhunshme e kësaj nate e ka rrëzuar një pjesë të skelës.
Burimi: Ansa.it
Përshtati: Fjala.al
