Muaji tetor ka parë rritjen më të lartë të kërkesave për azil të paraqitur në vendet e BE këtë vit. Autoritetet në Shtetet Anëtare të Bashkimit Evropian bashkë me Norvegjinë dhe Zvicrën morën 70.370 aplikime vetëm në tetor, duke arritur në një numër prej 586.700 aplikime për azil brenda 10 muajve.
Pra që nga janari deri në fund të tetorit bëhet fjalë për këtë shifër..
Kjo do të thotë që janë paraqitur 11% më shumë aplikime, krahasuar me të njëjtën periudhë të vitit të kaluar, duke shënuar kështu një kulm të ri, pasi numri nuk ka qenë ky i lartë që nga fundi i 2016-ës.
Afganët, sirianët dhe venezuelasit vazhduan të paraqesin më shumë aplikime, duke përbërë një të katërtën e të gjitha aplikimeve në BE-së, ndërsa në të njëjtën kohë aplikuesit që vinin nga vendet pa viza gjithashtu paraqitën një të katërtën e numrit të përgjithshëm të aplikacioneve.
Afganët, sirianët dhe venezuelasit mbetën tri grupet më të mëdha kombëtare që kërkojnë azil.
Ndërsa shtetasit afganë dhe sirianë paraqitën pak më pak se 7.200 aplikime secila, për afganët ky ishte një rekord që nga fundi i vitit 2016.
Të dhënat e siguruara nga Zyra Evropiane e Mbështetjes së Azilit tregojnë se në tetor shtetasit e Kolumbisë, Pakistanit, Irakut, Turqisë, Shqipërisë, Iranit dhe Nigerisë paraqitën një numër të konsiderueshëm aplikimesh, me kolumbianët që paraqesin shumicën e aplikimeve që nga të paktën – 2014.
Në fakt, kolumbianët paraqitën pothuajse tri herë më shumë aplikime sesa ata në të njëjtën periudhë të një viti më parë.
